رادیو
وام ایسته کونول اوچماغا شهپر رادیودانذوقون اولا گول مثلی معطر رادیودان
*****************************
بو جعبه ده مین گیزلین اولان درده دوا وار
زرده ن یوما بیلسن گوزووی درده دوا وار
اما بالینی میل ائده ن انسانه بلا وار
گیرم کی یاغیر شهدیله شکر رادیودان
***************************
اهل هنرین یوردا گئنیش میدانی واردیر
بیزلر کیمی امکانسیزا یوز امکانی واردیر
رزم اولسا نریمانی کیمی اصلانی واردیر
باج آلمایا تا باشقا دلاور رادیودان
***************************
بیر بحث فضولی ده ن آچیب نعمت حقیقی
الحق رادیو سن ده دی طول دقیقی
سیر ائتمه ده دیر ایندیده بو بحر عمیقی
تا ائل لریمیز ده نله یه گوهر رادیودان
***************************
بو جعبه نی مفروش ائله یه ن وقت ایده فرشی
ذهنونده تجسم ائله دیر عالم عرشی
حاشا پولیلان آلماغ اولا بیر بئله فرشی
مشکول پوزولا بیر بئله زیور رادیودان
**************************
بو صحنه نی پارلاق ائله ین آیری پدیده
شهرت ده محمد دی و ی آددا فریده
بیر بیت آز اولار وصفینه لازمدی قصیده
تا صادر اولا گویلره اختر رادیو دان
***************************
گیرم کی قعود ائتدی بو مأواده قیامی
دفترده پسندیده کیمی ثبت دی آدی
آرزو بودی هر یئرده دی شیرین اولا کامی
تخم عملینده ن آپارا بر رادیودان
البته کی بو آرزوما شاملدی قدیمی
محتاج محبت دی آتیب دیر زر و سیمی
دوران ریاست ده اونون طبع سلیمی
قویمازدی قورا شهرته منبر رادیودان
***************************
ای دل چیخا بیلسم بو قده ر شهرت و آددان
تعریف ائده ره م ائللریمه سوغات آباددان
کیمدیر یوما گوز مشهدی سورخای داکی داددان
یاغدیردیقی جان قند مکرر رادیودان
***************************
ذکر ائتدیگیجه ضربالی بوینوزلو یالانلار
تأییدینه بیر واقتین ایتیرمیش بئچه بانلار
کندین طرفینده ن اونا چاتدیقجا یامانلار
آیدین دی خجالت ده ن آخار تر رادیودان
***************************
منده ن سوز ائشیا آی قوچو قیشقیرما آماندی
بو عصریده چوخ قیشقیرانین عمری تالاندی
کاتدا یوسوبون وعده سی گیرم کی یالاندی
صبر ائت آقانی ائتمه مکدر رادیودان
***************************
بو کندیده اود توتسا قوری یانمالی دیر یاش
جنگل کی آلوولاندی اونا نئیله یر آب پاش
تا وار شکری یوخ یئری قیشقیرماغا قارداش
بر ائت اودی سوندورسون او سرور رادیودان
***************************
آد چوخدی باغیرساق مثلی شعریم اوزاندی
شعرین اوزونی مایه اندوه و زیاندی
حققا اوره گیم یحیوی یه شام کیمی یاندی
احسانی وئریب ائتمه دی لب تر رادیودان
***************************
بو جعبه عالی ده حسن زاده قبادی
مسئول صدا حضرت بهرام عبادی
از جمله حبیب زاده کی چوخ درده دوادی
گوش فلکی ائله دیلر کر رادیودان
***************************
یا اظهری کی بللی دی حاتم لیگه میلی
کامرانی کیمی اولموری بیر شخصه طفیلی
عشاق آرا مجنونه نئجه باغلی دی لیلی
صاحب دیله بذل ائتدیله دلبر رادیودان
***************************
مأوا ائله ییب بوردا نئچه شاعر عالی
هر تک تکی نینین پوزلاری عالی جیبی خالی
آیدیندی منه هر بیری نین اولسا مجالی
خلق اولمالی دیر باشقا سخنور رادیو دان
*************************
گون مثلی ایشیق ساچمادادیر بوردا رسولی
دورد اللی مهارتله دوتوب عرضیله طولی
دان اولدوزو تک کیم چیخا آنی دی اوفولی
اکبرلر اولوب گورموشوک اصغر رادیودان
**************************
ای استانی مین کندلری نین سئومه لی یاری
بیر غمزه قده ر سال نظرین شهریمه ساری
یا خنجری چک قوو قاپی دان شاختانی قاری
یا قار بورانی تهرانا گونده ر رادیودان
*************************
عاصم ده کی ایللر بویودور پای پیاده
سس له نمه ده دیر سیزلریلن جشن و عزاده
آنجاق کی آدامسیز اولو تک قالماز اراده
طبعیم تیوبی اولماسا پنچر رادیودان
